【新闻】Eason連睇兩晚騷 梁漢文：感激佢畀意見我
即时新闻-Eason連睇兩晚騷 梁漢文：感激佢畀意見我【与臣相关】【转帖自即時娛樂 】 2017-08-20 12:09:05
Eason同Eric Kwok睇完騷都有畀意見Edmond。(蘋果日報)
楊千嬅
梁漢文(Edmond)一連兩場嘅《我的另一半音樂會》，晚上喺九展繼續舉行尾場，雖然演唱會以Side Track為主，但仍坐無虛席，老婆Karen繼續喺台下支持Edmond外，仲有一班老友包括許志安、陳奕迅(Eason)、劉浩龍、楊千嬅同陳慧嫻等捧場，其中Eason更加係睇足兩晚，認真有心。
演唱會上歌迷相當熱情，不停到台邊獻花及同Edmond自拍。到獻唱《註定》時就再次向觀眾透露係當年嘅求婚歌，並再講多次憑玩啤牌施戲而決定求婚嘅過程，得到觀眾熱烈掌聲。到Encore環節Edmond仲俾觀眾點歌，不過因為係Side Track，連Edmond自己都唔係成日唱，所以有好幾首歌出現唔記得歌詞，要勞煩歌迷幫手上網搵歌詞。
完Show後Edmond接受訪問時表示：「呢個騷自己想做好耐，終於o依家開得成，亦為咗今次花咗好長時間去準備 。」講到有唔少老友捧場，尤其係Eason仲連睇兩場，佢話：「感激Eason同Eric Kowk睇完Show後同我通電話，俾吓意見。」
至於公開同老婆求婚嘅經過，佢話老婆事前都唔知佢打算講，問到當年如果Karen冇喺牌局上勝出，仲會唔會娶對方？佢話：「其實都有計畫緊，但就未必喺第二年就娶。Edmond強調：「我係好有誠意娶佢㗎，結婚時就係我哋兩個相識第10年，而出年更加係大家相識20周年。」 即时新闻-粉絲點歌唔識唱 梁漢文開騷靠手機解圍【与臣相关】
【转帖自on.cc】
歌手梁漢文（Edmond）於九展Star Hall舉行《梁漢文我的另一半音樂會》尾場，太太林文慧、楊千嬅、陳奕迅、Eric Kwok、許志安、劉浩龍及裕美等到場欣賞。演唱會於8點半開場，大批粉絲送花兼要求合照，Edmond全部來者不拒，非常愛錫粉絲。到快歌環節，Edmond唱出《熱氣球》及《夏季不不不》等歌曲，全場粉絲站起來，前排粉絲更湧到台邊，連千嬅都一起跳！
Encore時，Edmond換上紀念Tee現身，坦言花了很多時間準備這個騷，下了很多苦功記歌詞和練琴：「我知我有錯，但我盡咗力，希望大家感受到。」此時觀眾在台下大叫唔好喊呀！Edmond表示唔會，笑言冇啲咁嘅事！他又多謝太太為他準備歌衫，然後讓粉絲點唱，有粉絲點唱Rundown沒有的《九九九》，他坦言不記得歌詞，幸好有人遞上手機讓他看，但途中手機卻響起來，場面搞笑。
好兄弟~~~
页:
[1]