【新闻】Eason坐篋代步 網民:咩牌子?買得過
為咗聚天倫、寧願同老婆徐濠縈及女兒康堤到日本度假而放棄出席香港樂壇頒獎禮嘅陳奕迅(Eason),日前被網民捕獲由日本返港,返得嚟幾日,原來Eason又飛咗。Eason今次為咗噚日喺吉隆坡舉行《L.O.V.E.》專輯分享會,日前特登飛咗去當地,不嬲都好似大細路嘅Eason今日喺facebook貼咗條新片,見佢坐喺個行李篋上「代步」,佢喺post留言話「機場最佳伴侶」,見佢全程拉住同行工作人員隻手嚟借力滑行,雖然Eason全程戴住副黑超,但睇佢表情都好得戚。短片中同時有「配樂」,有人唱住蘇芮首《誰可相依》嗰句「童年時話過 一生到盡頭 也願意拖着你的手」,然後側邊啲工作人員邊拍片邊笑個不停,氣氛好鬼歡樂!
有唔少fans睇片後都有留言,話Eason係「陳三歲」,另有唔少網民留咗更「啜核」嘅留言,包括:「陳胖你這個旅行箱真的結實喔!」、「好想知道行李箱甚麼牌?」、「我也要這麼好的行李箱」,甚至有網民直接問:「個篋咩牌子?買得過。」另有心水清嘅網民提醒Eason:「你沒寫小朋友不要學。」
咦,唔通Eason呢個係做行李篋代言嘅前奏?
歌神擺駕!陳奕迅歎爆坐篋要人拖
歌神陳奕迅(Eason)向來吹得兼玩得,近日佢去到吉隆坡工作,未知係咪忙到冇得抖嘅關係,佢竟然喺機場以行李篋代步!呢日佢喺微博上載一條短片,片中Eason坐喺一個小型行李篋上面,雙腳離地兼捉實行喺佢前面嘅工作人員隻手,結果靠嗰位工作人員出盡力咁拖住個篋行,而Eason就可以不費吹灰之力咁行走,搞到其他同行嘅工作人員都忍唔住哈哈大笑,Eason留言:「機場最佳伴侶」。
陈三岁没错了 真的就是他的风格,哈哈 搞怪又调皮 太阔爱了好吧我吹~~ 瘦了好多。。。 就係個頑童啊⋯⋯ 哈哈哈哈哈还坐行李箱上 ;P;P;P;P;P;P 哈哈。下次出門要買這牌子了。結實 小心條腰骨,安全最重要呢!:loveliness: 買得過~哈哈哈哈哈哈哈{:4_114:} 质量不错哈哈哈哈哈哈 行李箱的质量倒是挺好的真的笑死我了
页:
[1]