2012-08-20新聞

蝦蝦 · 发表于 2012-8-20 10:59:48

徐濠縈冷戰Eason：預o左玩完
[轉貼自on.cc - 東方日報]

Video Link:
http://orientaldaily.on.cc/cnt/e ... 0820/00282_001.html

時裝達人徐濠縈（阿徐）天生一副cool爆樣，一舉一動均受大眾注目，大花筒愛花錢愛夜蒲，甚至帶女逃學歐遊，受盡批評的她不怨不恨，只有默默接受。阿徐在本報一連五天專訪真情剖白，訴說愛恨歲月及時裝經，更大爆與老公陳奕迅（Eason）的「七年之癢」，曾一度分房而睡，婚姻備受考驗！"相對不發一言似是你共我有了默契永不要幼稚的罵戰　但表情彼此表情悄悄地暗示這是冷戰錄自王菲《冷戰》"

同Eason未結婚之前我已經冇做娛樂圈，有兩、三年都游手好閒吃喝玩樂，嗰時我冇收入，又同Eason一齊住，佢畀家用我都好正常，有乜問題？又係個男人開口叫我唔好做，同埋佢有能力養到我，點解唔可以畀家用我使，我覺得自己使得好光明正大，嗰個係我男友，都係我半個老公。

感情轉淡冇安全感

但當你同一個人耐咗就唔會有激.情，可能連愛情都冇，只得感情，如果我話冇嗌過交你都唔會信！好坦白講，我哋曾經有「七年之癢」，我成日同人講相處到五年、七年嘅時候好易有暗湧，你捱得過就捱得過，捱唔到就bye bye！嗰段期間我哋有過好大問題，係一個轉捩點，有諗過分開。為乜？可能佢當時太紅太忙，冇乜時間陪我，但未至於唔理我，佢有時做完嘢未必即時返屋企，會同同事或朋友有下場，我又同自己朋友去夜蒲，就算旅行都未必一齊去，感情愈嚟愈轉淡，關係好疏離，各有各咁，唔係好關第三者事，加上當時我冇嘢做，靠佢養，好冇安全感，我同自己講，算啦！唔可以再係咁落去，我要搵嘢做，搵條出路畀自己，都預咗可能會分手，既然係咁就要鋪排過我嘅新生活，嗰段暗湧時間真係好難過，呢一世都唔會唔記得，03至04年係大家最有問題嘅一年。

朋友緊張從中調解

我哋冷戰咗幾個月，呢段時間只有相熟朋友知道，佢哋不停勸我兩個，問大家一齊咁耐做乜分開，我哋又唔可以畀外界知，因為分開係好大件事，要深思熟慮，唔可以今日話分手、聽日又喺番埋一齊，到後日又話再分手，唔可以咁兒戲。冷戰期間我搬唔到出去，惟有一個瞓廳、一個瞓房，連身邊朋友都唔知，我嗰時都諗緊呢段感情會冇，身邊好友都冇放棄，得閒兇嚇佢、得閒又兇嚇我，話咁難得搵到個咁明白同瞭解你，又畀你去玩，唔似有啲男人咁專制，管住你。講真，Eason真係好畀自.由我，仲好關心同支持我，我有諗如果分開咗會唔會搵得番好似佢咁好嘅男人，最重要係大家互相明白，卒之有日諗通咗就搬番同一間房。

口述：徐濠縈　筆錄：名人組

徐濠縈與老公陳奕迅經歷過「七年之癢」後更珍惜與愛錫對方。

（設計對白）

陳奕迅與徐濠縈的婚宴，幸福滿瀉。

女兒陳康堤是陳奕迅與徐濠縈的掌上明珠。

徐濠縈獲老公大讚打扮入時又懂做生意。

蝦蝦 · 发表于 2012-8-20 11:01:14

陳奕迅爆料愛幫老婆執衫
[轉貼自on.cc - 東方日報]

陳奕迅和徐濠縈結婚多年承受不少是非，包括不滿阿徐大使、和謝安琪傳緋聞等，但看Eason今年突然飛往巴黎會合在當地的阿徐，給她一個驚喜浪漫的慶生外，更聲稱要努力養生造人，就知道風風雨雨也不損兩人的感情。

Eason說很愛阿徐cool爆的樣子，反而自己有時會像女生般跟對方撒嬌，感覺上很依靠對方，並說兩人多愛以短訊來溝通。曾言愛女人叻及靚的Eason，大讚阿徐打扮入時，並自爆是老婆奴。原來Eason有個小習慣，就是愛替阿徐執衫：「我嘅癖好係執嘢，每次佢返屋企換完衫，我會親自將佢啲衫摺好放入衣櫃。」

Eason續說外間指阿徐大使全是虛構，反而大讚對方開時裝店打理得頭頭是道兼有錢賺，難怪傳出婚變時他不禁爆粗說：「亂寫一通！我們好得很！」

Eason早前炮製驚喜，飛往巴黎為老婆慶祝生日。

蝦蝦 · 发表于 2012-8-20 11:02:15

有異性冇人性
[轉貼自on.cc - 東方日報]

Eason心地好好，一定孝順過我，因為我係有異性冇人性，拍拖時只掛住男友，結咗婚就掛住老公，依家做咗人阿媽，當然掛住個女先，然後先理屋企人，但唔代表我同屋企關係惡劣，反而感情好好。其實我性格好男仔頭，好鍾意玩，成日嘻嘻哈哈，做咗媽咪都係咁去玩，或者得閒做嚇運動，唔鍾意匿喺屋企，所以畀外間錯覺我成日掛住玩，同屋企人關係唔好。

雖然我離開咗娛樂圈，但同呢個圈嘅人有接觸，Eason係我見過嘅人之中最冇機心嘅人，佢只忠於自己歌唱事業，無論對前輩、後輩都係用心對待，唔似有啲人好冇禮貌、見人講人話見鬼講鬼話，又或者背後講人是非，甚至對人好係有目的。我覺得好難得，尤其喺娛樂圈，總之老公又好、朋友又好，都係好難搵！其實Eason都算一個浪漫嘅人，佢太忙好難製造驚喜，相反我太得閒好易發現佢嘅驚喜，真係好好笑。

同千嬅成好友

娛樂圈無疑係花花世界，但引誘呢樣嘢到處都會存在，我哋兩公婆都講個「信」字，對啲所謂嘅傳聞同緋聞都唔會理，之前話我喺千嬅手上搶走Eason，我諗佢哋喺華星年代有拍拖，話我係第三者我唔想爭拗，我同千嬅依家係好好朋友，時間未必證明一切，但會說出真話。至於阿Kay（謝安琪）我就冇咁熟，Eason同佢熟啲，佢哋之間嘅緋聞我唔清楚，惟有信佢，係咪先？不過我都信佢哋冇嘢，我對Eason有信心。

我哋經歷咁耐行到依家，坦白講唔會好似熱戀期咁sweet，每一pair都係咁，要學識遷就同欣賞對方優點，珍惜擁有一切！

徐濠縈對於老公陳奕迅與謝安琪投以信任票。

陳奕迅與楊千嬅再見亦是朋友，更與徐濠縈成為好友。

蝦蝦 · 发表于 2012-8-20 11:02:59

翁媳和諧冇敗家
[轉貼自on.cc - 東方日報]

我一向同長輩溝通冇Eason咁叻，唔知幾時去拜候老人家或者氹佢哋開心，但唔代表我同Eason屋企人交惡，反而大家相處得好好，我唔係特別孝順，但唔代表唔孝順，我哋搬出去住過二人世界好正常，但又話我婆媳有問題！我都唔明，點解到依家都話個老人家唔鍾意我，我對老人家好唔需要做畀大家睇，係咪翹住老爺奶奶手行出嚟畀人影先至叫孝順先？我冇同佢哋唔啱，佢哋從來冇畀說話我聽。

最荒謬係當年話我大使搞到Eason要四處籌醫藥費醫老爺，你覺得有冇可能？如果我大使到咁敗家，搞到Eason連爹哋嘅醫藥費都攞唔出，你估佢唔休咗我咩！你話係咪先？

徐濠縈坦言對老爺的孝心毋須刻意「做」出來。

蝦蝦 · 发表于 2012-8-20 11:03:34

緣定今生愛才華
[轉貼自on.cc - 東方日報]

我同Eason係好朋友介紹認識，佢冇追過我，我哋好自然走埋一齊，我覺得由朋友到瞭解好過一見鍾情或者貪靚仔，我鍾意另一半有內涵，可以令我崇拜同仰慕，唔叻過我就唔掂！男人專注工作時最吸引我，我見Eason喺台上表演時真係好charming，令我好崇拜同佩服佢，好似變咗個小fans，哈……。

阿徐大讚陳奕迅在台上忘我演出很有魅力。

LeoFang91 · 发表于 2012-8-20 11:27:54

好好在一起便是最大的幸福。徐哥，吹妈，包包简单的过无视一切便安好。

幺雞仔 · 发表于 2012-8-20 11:31:13

eason 好男人啊~

廁紙Phi · 发表于 2012-8-20 11:44:33

佢做咩無喇喇講d咁ge衰野:L

柯柯德莉 · 发表于 2012-8-20 12:20:51

爱吹吹，冇错！

果E臣 · 发表于 2012-8-20 13:48:29

EASON是好男人的榜样

蝦蝦 · 发表于 2012-8-20 13:57:30

緋聞女王嘆無奈

我性格好男仔頭，覺得同男仔傾偈會舒服啲，其實我男性朋友都唔少，有時仲會單獨傾心事，我同男性朋友係特別投契啱傾，唔代表要嚇嚇幫我製造緋聞，最記得問我係咪同劉浩龍拍拖，咁都問得出，覺得好無奈，就連同Kelvin Poon去游水都被講一餐，嗰啲所謂緋聞男友，Eason全部都識，我試過有一年生日，成十一個緋聞男友同我慶祝，仲影咗一張大合照添！

徐濠縈表示所謂的緋聞男友全是Eason認識，與劉浩龍扯上關係感到荒謬。

蝦蝦 · 发表于 2012-8-20 14:23:38

劉浩龍與祖兒感情好 (與臣相關)
[轉貼自on.cc - 東方日報]

劉浩龍（師兄）自爆「龍兒戀」後，惹來四方八面抨擊。拍劇潛水多時的他昨日終公開露面，他稱因忙於拍劇，故未有出席電影《DIVA華麗之後》首映及一切宣傳。問他與女友容祖兒多久沒見？他避答：「講番工作。」為拍劇增肥廿磅的他希望盡快減肥，問是否祖兒不鍾意？他說：「自己唔鍾意。」

師兄於台上被卓韻芝追問感情生活，他說：「開心嘅，生活上開心。（感情有壓力？）冇喎。」再問與祖兒是甚麼關係？他停頓十秒，忍不住偷看阿芝手上的問題，阿芝惟有問：「陳奕迅覺得你唱歌點？」他說：「幾好。（咁上一條問題呢？）都係幾好。」

蝦蝦 · 发表于 2012-8-20 14:23:44

劉浩龍與祖兒感情好 (與臣相關)
[轉貼自on.cc - 東方日報]

劉浩龍（師兄）自爆「龍兒戀」後，惹來四方八面抨擊。拍劇潛水多時的他昨日終公開露面，他稱因忙於拍劇，故未有出席電影《DIVA華麗之後》首映及一切宣傳。問他與女友容祖兒多久沒見？他避答：「講番工作。」為拍劇增肥廿磅的他希望盡快減肥，問是否祖兒不鍾意？他說：「自己唔鍾意。」

師兄於台上被卓韻芝追問感情生活，他說：「開心嘅，生活上開心。（感情有壓力？）冇喎。」再問與祖兒是甚麼關係？他停頓十秒，忍不住偷看阿芝手上的問題，阿芝惟有問：「陳奕迅覺得你唱歌點？」他說：「幾好。（咁上一條問題呢？）都係幾好。」

丸子Aeason · 发表于 2012-8-20 15:41:32

吹吹好幸福啊

聼E好心情 · 发表于 2012-8-20 15:55:32

最钟意睇呢啲专访:kiss:

2012-08-20新聞

1周年徽章

5周年徽章

10周年徽章

10周年徽章

微信认证

QQ达人

白羊座

亥猪

千金达人

初级灌水徽章

初级灌水徽章